LAOAG CITY – Nangiruar ti Bureau of Internal Revenue (BIR) ti baro a listaan dagiti value-added tax (VAT) exempted nga agas para kadagiti nagduduma a sakit kas ti diabetes ken hypertension.
Iti baro a revenue memorandum circular, inaprobaran ti Bureau of Internal Revenue ti listaan ti 12 percent VAT-exempt products iti babaen ti Tax Reform for Acceleration and Inclusion Law and the Corporate Recovery and Tax Incentives for Enterprises Act.
Inparuk-at ti Bureau of Internal Revenue ti listaan kalpasan ti endorsement ti Food and Drug Administration ti Department of Health dagiti listaan.
Sakupen ti circular dagiti agas para iti hypertension, mental illness, diabetes ken high cholesterol.
Adda ti walo nga agas ti nainayon iti listaan no sadinno nga uppat ditoy ket para iti diabetes.
Adda ti dua a klase ti agas para iti high cholesterol ken saggaysa iti mental illness ken hypertension.
Maipalagip nga idi Disiembre iti napalabas a tawen ti inraman ti Bureau of Internal Revenue ti 16 a VAT exempt nga agas para iti cancer, diabetes ken mental illness.
