LAOAG CITY – Inyalud-od ti Bureau of Internal Revenue (BIR) agingga Agosto 18, 2026 ti maudi nga aldaw ti panagipasa ken panagbayad ti tax kadagiti lugan a nadadael ti habagat.
Malaksid kadagiti lugar a naapektaran ti bagyo, pakairamanan pay ti extension dagiti tax payers a narigatan a nagisubmitir gapu kadagiti technical problems iti offline package ti eBIRForms.
Inbatad ni Bureau of Internal Revenue (BIR) Commissioner Charlito Martin Mendoza a gagemna daytoy a mangipaay ti nayon a panawen dagiti umili tapno matungpalda ti obligasionda nga awan ti maipataw a multa.
Sakup ti baro a Revenue Memorandum Circular (RMC) No. 95-2026 dagiti obligasion a naikeddeng koma manipud Agosto 10 agingga 16 kas ti withholding tax ken income tax returns.
Nangiparuk-at ti direktiba ti opisina kadagiti Authorized Agent Banks (AABs) tapno umawat dagiti bayad ken aplikasion nga awan ti nayon a singir agingga iti naikeddeng a petsa.
