LAOAG CITY – Nakaukkon ti Bureau of Internal Revenue (BIR) ti P422.378 bilyon idi Abril 2026 a naartapanna ti target a P12.776 bilyon wenno 3.12%.
Ngimmato ti birok ti ahensia ti P551.11 milyon maidasig iti kapada a bulan iti napalabas a tawen.
Nagtultuloy ti napigsa a performance uray inyakar ti deadline ti Annual Income Tax Return (AITR) tapno ikkan ti at-atiddog a panawen dagiti taxpayer.
Inbatad ni Bureau of Internal Revenue Commissioner Charlito Martin R. Mendoza daytoy ket resulta ti ad-adda a pinaigetan a kampania ken nangatngato a kumpiansa dagiti agbaybayad ti buis.
Manipud Enero agingga Abril 2026, umabot iti P1.155 trilyon ti pakabuklan a koleksion, nangatngato ti P39.972 bilyon maidasig iti kapada a panawen idi 2025.
