LAOAG CITY – Kalikagum ni Bise Gobernador Cecilia Araneta Marcos ti panangpaadu pay iti household composting.
Daytoy ket proseso iti panagusar iti basura iti pagtaengan a pagbalinen a ma-recycle dagitoy.
Segun kenkuana, daytoy ti maysa a kalikagum nga ar-aramiden ti opisinana iti agdama tapno maipatungpal ti umiso a panangisina kadagiti nagduduma a basura.
Inbatadna a babaen iti nasao a programa ket masursuro pay dagiti dadduma nga umili iti agmula iti arubayan kadagiti nagduduma a natnateng.
Kunana a planoda iti agturong iti nagduduma a barangay tapno agtitinnulongda nga agtrabaho iti rinugyan ni Gob. Matthew Marcos Manotoc nga Eco Park.
Kabayatannna, mamati ti Bise Gobernador a napintas iti nasao a programa gapu ta malaksid a makatulong kadagiti umili ket agbalin pay a sustainable dagiti eco parks iti nagduduma a barangay ditoy probinsia.
