LAOAG CITY -Kalikaguman ni Bise Mayor Jessie Ermitanio iti ili ti Marcos a makasarita da Allan Gante ken Joey Sia, dua kadagiti nabigbig a suspek iti panakatambangda itay kallabes.
Kuna ni Ermitanio, no apay a kalikagum na a kasarita dagiti dua nangnangruna ken Gante nga addan iti pagbaludan ket tapno pagsalodsodan na seknan iti pannakatambang da.
Kuna na nga agpapan ita ket agbubuteng pay laeng iti laksid nga adda ti naipaayen a kameng ti PNP a security da.
Innayon na nga adda pay laeng iti ospital ti maysa kadagiti kadua na a naambush idinto a ti agnagan iti Jerick Ricky Florendo ket nairuaren.
Maipalagip a maysa ti natay ken tallo dagiti nasugsugatan a pakairamanan ti bise mayor iti napasamak nga ambush idiay marcos itay kallabes.
