LAOAG CITY – Saan pay laeng nga agi-endorso ni Bise Presidente Sara Duterte ti siasinoman a plano na nga agkandidato para iti 2025 midterm elections.
Segun iti Bise Presidente, nakapokus isuna iti Office of the Vice President, nangruna iti panangrisut iti mapapati a di umiso a pannakausar ti pondo.
Impettengna pay a maysa daytoy kadagiti pagrebbenganna kas Bise Presidente.
Iti statement ni Vice Pres. Sara iti press conference saggaysa a sinungbatann dagiti opisial dagiti isyu a naibato iti opisina na iti tengnga ti panangimbestigar iti 2025 funding proposal ti departamento.
Nagkedked pay ni Vice President Sara Duterte a mangidepensa iti naisingasing a P2.037 billion nga Office of the Vice President fund para iti sumaruno a tawen iti House committee hearings ken saan met a timmabuno iti plenary deliberations.
Iti biang ni Vice Pres. Sara, immuna nga impakaammu nga ipaima na ti desisyon maipapan iti pondo a maipaay para iti Office of the Vice President iti Kamara ken naamuan a dua laeng a lehislador ti umanamong iti pannakaaprobar dagiti pondo nga inkeddeng na.
Kabayatanna, inwaragawag met ti Bise Presidente a saanna pay nga inkonsiderar ti maki-tandem kadagiti dadduma a politiko iti 2028 presidential election.
