Inpeksa ti World Health Organization (WHO) European branch ti pannakaseknanna ken inrekomendana dagiti addang tapno malimitaran ti panagusar iti arak ken e-ciggarettes kadagiti agtutubo.
Maibatay iti datos ti survey, manipud iti 280,000 nga agtutubo nga agtawen iti 11, 13 ken 15 iti Europa, Central Asia ken Canada ket kinuna ti World Health Organization nga ipakitana ti “concerning picture” ti pannakausar daytoy kadagiti agtutubo.
Natakuatan ti report a 57 percent kadagiti agtawen iti 15 ti nakainum iti arak iti naminsan no sadinno para kadagiti babbai ket 59 percent ti bilang no idilig iti 56 percent kadagiti lallaki.
Mapaliiw ti World Health Organization a bimmaba ti pakabuklan a panaginum kadagiti lallaki bayat nga umad-adu kadagiti babbai.
No maipapan iti agdama a pannakausar a nadepinar kas panaginum iti di kumurang a maminsan iti napalabas a 30 nga aldaw ket walo a porsiento kadagiti 11 ti tawenna a lallaki ti nangipadamag nga ar-aramidenda daytoy, no idilig iti lima a porsiento kadagiti babbalasitang.
Kabayatanna, napaliiw ti report nga immadu ti panagusar kadagiti e-cigarettes kadagiti agtutubo.
