LAOAG CITY – Inadmitir ni Vice Mayor Amador Victor Racimo Jr., chairman ti Committee on Agriculture iti lokal a gobierno iti ili ti Vintar a maysa kadagiti pagparikutan da iti agdama ket ti sitwasyon ti African Swine Fever no sadinno a naibilangen a red zone ti ili da.
Segun kenni Racimo, dakkel ti epekto na iti industriya ti baboy ti pannakaapektar ti ASF ti lugar da a nangitunda ti panagbalin met a pink zone dagiti kabangibang na nga ili ken ciudad ti Laoag.
Inbatad na nga iti laksid daytoy ket awan met ti panagkisang ti suplay ti karne ti baboy iti ili da gapo ta maysa laeng met a barangay ti naapektaran ken mangnamnama nga awanen ti mairaman.
Inlawlawag na a maysa pay kadagiti pagamkan da ket adda ti report iti pannakaiyanod ti bitog ti baboy ket amangan no aggapo iti naapektaran a barangay.
