LAOAG CITY – Isagsaganan ti Bureau of Jail Management and Penology (BJMP) ti detention cell ni Senador Jinggoy Estrada iti New Quezon City Male Dormitory iti Payatas.
Inbatad ni Interior Secretary Jonvic Remulla nga inpasiguradona ti kinasaganada apaman a maiparuk-aten ti warrant of arrest ni Estrada iti kaso a plunder manipud iti Fifth Division ti Sandiganbayan.
Sumangsango ti Senador ti kaso a plunder nga adda ti pakainaiganna iti P573 milyon a gatad ti maipagarup a kickbacks manipud kadagiti nagduduma a flood control projects.
Maipalagip nga idi Biernes ket nagbayad ni Estrada ti piyansa nga umabot iti P90,000 para iti kaso daytoy a graft kaduana ni dati a Department of Public Works and Highways Secretary Manuel Bonoan iti Sandiganbayan Second Division.
Nupay kasta, inlawlawag ni Remulla nga adda iti Sandiganbayan latta ti desision no sadinno ti pangikabilanda ken ni Estrada no bilang maiparuk-aten ti warrant of arrest daytoy iti kaso a plunder.
