LAOAG CITY – Nagun-od ti Blackwater ti umuna a panangabak iti PBA Philippine Cup kalpasan nga inabakna ti NorthPort iti iskor a 120-98 iti ay-ayam a naisayangkat iti Smart Araneta.
Indauloan iti panagballigi ti Blackwater ni Sedrick Barefield a nakairekord ti 20 points idinto nga addaan ti 19 points ni Christian David.
Nakaaramid met ti 17 points, walo nga assists ni RK Ilagan, 15 points ken ni Richard Escoto idinto nga addaan ti 14 points, lima a rebounds ken tallo nga assists.
Daytoy ti maikadua a nagsaruno a pannakaabak ti Batang Pier nga addaan laeng ti maysa a panangabak.
Nasayang met ti inaramid a 27 points ni Joshua Munzon idinto nga addaan ti 24 points ken 11 rebounds ni William Navarro para iti NorthPorth.
