LAOAG CITY – Natay ti tallo nga indibidual a napan nag-hiking iti Mount Dukono kalpasan a bimtak ti bulkan idiay Indonesia.
Basar iti report, dagiti tallo a biktima ket paset ti grupo dagiti 20 a Singaporeans ken Indonesians a napan immuli iti bantay iti baet ti naiget a restrictions.
Naamoan a dagiti dadduma a karaman iti grupo ket natalged a nabirukan dagiti rescuers ken naibakwit da dagitoy manipod iti bantay.
Maipalagip a ti nasao a bulkan ket nasuroken a 200 a daras a bimtak sipud idi Marso ti agdama a tawen isut gapuna a nangisyu dagiti opisyal ti ballaag kontra iti iyuuli iti daytoy para iti kinatalged dagiti tattao.
