LAOAG CITY – Nakumpirmaran a nagpositibo iti initial examination ti napidot ti agtawen 63 a mangalap a ni Geronimo Calasag ti maysa a bloke ti shabu nga agdagsen iti kumurang 1 kilo iti igid ti baybay iti Brgy. Balaoi iti ili ti Pagudpud.
Segun ken ni Calasag ket mannarimaan ti pinagpidotna ti shells iti igid ti baybay iti nadakamat nga ili tapnu pagbalinen nga “apug”, idinto adda ti nakitana a naisadsad a pack nga agmaris iti puraw a nakaibungon iti supot.
Gapu iti daytoy, pinidot na ti nadakamat a pack ken inyawid iti pagtaenganna, idinto a nilukatanna daytoy ngem idi makitana a nasileng a powder daytoy ket dagos nga inpakaammona iti konsehal ti barangay.
Inbatad ni P/Maj. Carlo Abing, Chief-of-Police iti Philippine National Police iti nadakamat nga ili, nga insigi nga inpakaammo kadagiti otoridad no adda dagiti maalaw a maipagarup a shabu wenno mapagduduaan banag.
Kabayatanna, inpakaammo ni Abing nga adda ti pakanaiganna kadagiti immunan a naalaw a bloke ti shabu nga agmaris iti puraw a nakaibungon iti supot nga addaan iti Chinese markings.
Maipalagip nga adda dagiti immunan a naalaw a bloke ti shabu iti ili ti Burgos ken Pasuquin ditoy probinsia ti Ilocos Norte.
