LAOAG CITY – Awan ti kaso ti hantavirus ditoy Pilipinas, basar ken ni Department of Health (DOH) spokesperson Usec. Albert Domingo iti baet ti pannakatay ti tallo a pasahero ti Atlantic cruise ship gapu iti virus.
Malaksid iti daytoy, tallo a dadduma pay ti nagtalined nga infected.
Inbatad ni infections disease expert Dr. Rontgene Solano a kabayatan nga awan pay ti kaso ti nasao a virus iti pagilian ita a tawen ket addan dagiti dati a kaso ti hantavirus iti pagilian ngem awan ti nasken a pagdanagan.
Inpetteng ti eksperto a saan a kasapulan nga ag-panic, daytoy ket rodent-related infections a saan a mangitunda ti pannakaalarma.
Ti hantavirus ket maysa nga impeksion a maiyakar manipud kadagiti bao iti tao a mangituntunda kadagiti sintomas kas ti gurigor, sakit ti ulo, panagsakit ti bagbagi, panagsakit ti buksit ken panag-vomit.
Iti ad-adda a seyoso a kaso, mabalin a mangitunda daytoy ti hantavirus cardiopulmonary syndrome (HCPS), haemorrhagic fever with renal syndrome (HFRS), nababa a presyon ti dara, problema iti panagpadara ken pannakapaay ti bato.
Basar iti maysa a panagadal idi 2000, karaman ti Pilipinas iti 10 a pagilian nga adda dagiti urban rats a positibo iti hantavirus ken 6.1% dagiti Pilipino ket addaan ti hantavirus antibodies.
Masansan nga asymptomatic ti hantavirus iti Pilipinas wenno mapagat-atapan kas leptospirosis wenno dengue.
