LAOAG CITY – Balligi a naiyuswat ti bloodletting activity iti ili ti San Nicolas kas panangselebrar to Blood Donation Day no sadinno a 62 nga indibidual ti nakaidonar ti dra manipud nagduduma nga organisasion.
Inpakaammo ni Ms. Rian Simon, mangidaulo ti Municipal Disaster and Risk Reduction Office (MDRRO) a daytoy ket nagbibinnuligan dagiti nagduduma nga organisasion kas kuma iti Philippine National Police (PNP) San Nicolas, PNP AVSEU GROUP, Bureau of Fire Protection (BFP) Ilocos Norte ken San Nicolas, Local Government Unit (LGU) Personnel, Pantawid Pamilyang Pilipino (4Ps), Valdez Center Toda, ken Department of Education (DepEd) San Nicolas District.
Innayonna pay nga adda laeng ti 10 nga indibidual a saan nga nakaidonar gapu kadagiti nagduduma a rason.
Mainaig iti daytoy, mamati daytoy nga iti babaen ti kastoy nga aktibidad ket dakkel ti tulong a maipaayna kadagiti indibidual nga agkasapulan ti dara.
