LAOAG CITY – Patien ni Bokal Hanson Chua a kas maysa nga agbaybayad ti buwis ket panagsayang laeng ti oras ken papel ti pannakaipasa ti resolusyon nga ilunglungalong ni Bokal RJ Fariñas a napaulwan ti ‘RESOLUTION SUPPORTING AND ENFORCING DILG MEMORANDUM CIRCULAR NO. 2025-082, PROHIBITING ALL ELECTED AND APPOINTED LOCAL GOVERNMENT OFFICIALS FROM ENGAGING IN ANY FORM OF ONLINE GAMBLING WITHIN THR TERRITORIAL JURISDICTION OF ILOCOS NORTE.
Segun kenni Chua, ado unay ti masayang no maikkan pay ti kopya dagiti amin a mayor, Human Resource Office iti nagduduma a lokal a gobierno ditoy probinsya.
Nupay kasta, inpetteng ni Fariñas a kas sponsor ti nasao a gakat ket dakkel ti epekto na daytoy kadagiti maseknan gapu ta biag ti pagsasaritaan ditoy no sadinno nga inyarigna ti nadakamat ni Chua a natay ti maysa kadagiti empleyado na gapu ti online gambling babaen ti panagpuyat.
Inkalintegan ni Fariñas nga adda ti karbengan na a mangipasa ti gakat ken saan a padiktaran no ania ti kayatna nga ipasa.
Mainaig iti daytoy, inpetteng ni Vice Governor Matthew Marcos-Manotoc a saan a trabaho ti Sang Panlalawigan ti agi-relay manen kadagiti Local Government Units ti memorandum ti Department of Interior and Local Government nga agdama a maipatpatungpal, ngem karbengan ti ponente ti mangipasa ti ania man no sadinno nga ado unay ti mausar a resources.
Insingasing met ni Fariñas ti panagusar ti tablet a kas ti ar-aramiden iti Sang Panlungsod ditoy ciudad ti Laoag.
Kabayatanna, kalikagom met ni Bokal Saul Lazo a maurnos ti titulo ti nasao a resolusyon gapu ta para kenkuana ket misleading daytoy gsipud ta nailanad a teritorial jursdiction laeng ti Ilocos Norte idinto a maiyaplikar pay daytoy iti sabali pay a lugar.
