LAOAG CITY – Inlawlawag ni Palace Press Officer Usec. Claire Castro a maipakita ni VP Sara Duterte ti abilidadna a sungbatan dagiti laegasion ken sangoen dagiti testigo no personal nga agatendar daytoy iti impeachment trial iti Senado.
Segun ken ni Castro, tsansa daytoy tapno mapaneknekan ti kampo ni Bise Presidente ti panagbalinna nga inosente no daytoy ti taktakderanda.
Immunan nga imbilin ti Senado ni VP Duterte a sumango daytoy ti personal wenno iti babaen ti abogadona iti panaglukat ti impeachment trial iti Hulio 6.
Manamnama a matalantan iti panangusig ti nagduduma nga articles of impeachment a naipila konta kenkuana.
Kabayatanna, inpetteng ni Castro a respetoen ti Malacañang ti agbalin a proseso ti Senado kas impeachment court, ken naipaiman iti depensa ken prosekusion ti agbalin nga estratehia iti panangusig.
