LAOAG CITY – Balligi a naiwayat ti Bomb Explosion Simulation iti sangoanan ti Imelda Cultural Center iti ciudad ti Batac kas paset ti pannakaselbrar Department of Health iti World Patients Safety Day nga addaan ti tema nga “Improving Diagnosis for Patient Safety”.
Napili ti Department of Health ti biag ti Mariano Marcos Memorial Hospital and Medical Center nga agbalin nga host iti nadakmat nga aktibdad para iti rehion 1.
Mainaig iti daytoy, adda ti naiwayat a Bomb Explosion Simulation exercise kas paset iti nasao nga aktibadad tapnu maipakita ti preparedness ken response capabilities iti emerhensia dagiti nakipaset iti nasao nga aktibabad kas iti Bureau of Fire Protection, Philippine National Police, Mariano Marcos Memorial Hospital and Medical Center, lokal a gobierno ti nadakamat a ciudad ken dadduma a pay nga agencies.
Sakbay a naiwayat ti nasao nga aktibidad ket naserraan ti dua a dalan nga agturong iti Imelda Centre tapnu maliklikan nga adda ti madangran nga indibidual.
Kabayatanna, immunan a nangiwayat ti press conference ti Mariano Marcos Memorial Hospital and Medical Center babaen ken ni Dr. Jose B. Orosa III, chairman iti office for strategy management chief of medical professional services, ti nasao nga ospital, nasken nga ammoen nga ummuna dagiti hazards iti ospital tapnu naan-anay maipaayan ti natalged a lugar dagiti patiente nga adda iti uneg ti balay pag-agasan.
