LAOAG CITY – Pinaneknekan manen ti Bombo Radyo Philippines ti dedikasion iti tay-ak ti napatpateg a panagwaragawag kalpasan a nagballigi iti 29th Golden Dove Awards ti Kapisanan ng mga Brodkaster ng Pilipinas (KBP).
Karaman kadagiti nangabak ti Star FM Bacolod kas Best FM Radio Station – Provincial; winner pay ti Bombo Radyo Roxas para iti Best Radio Station Promotional Material ken nabigbig pay ti Bombo Radyo Koronadal kas Best Sports Program.
Ti KBP Golden Dove Awards ket tinawen a maisaysayangkat a pammadayaw ti Kapisanan ng mga Brodkaster ng Pilipinas (KBP) a mangbigbigbig kadagiti naisangsangayan a programa, personalidad, istasion ken production work iti broadcasting.
Kabayatanna, walo pay a finalist entries manipud iti Bombo Radyo Philippines ti nangibagi iti network kadagiti nagduduma a kategorya.
Pakairamanan dagiti finalist dagiti sumaganad:
Best AM Radio Station – Provincial- Bombo Radyo Iloilo
Best FM Radio Station – Metro Manila-Star FM Manila
Best Newscast – Metro Manila- Bombo Network News
Best Newscast – Provincial- Bombo Radyo Cagayan de Oro ken Bombo Radyo Iloilo
Best Special Program- Bombo Radyo Cebu
Best Public Service Announcement- Star FM Baguio
Best Radio Station Promotional Material-Star FM Baguio
Dagitoy a pammadayaw ket pannakaibigbig iti agtultuloy a panagpursigi ti Bombo Radyo Philippines a mangipaay iti dekalidad a panagipadamag ken serbisio publiko kadagiti Pilipino iti intero a pagilian.
Ad-adda pay a napateg daytoy a pannakabigbig kabayatan a selselebraran ti Bombo Radyo Philippines ti maika- 60 a Tawen ti Media Excellence, innem a dekada a panangipaay iti damag, dekalidad a programa ken serbisio iti intero a pagilian.
Iti babaen ti panangidadaulo ti Chairman ti Bombo Radyo Philippines, ni Dr. Rogelio M. Florete, ken ti President and CEO, ni Margaret Ruth C. Florete, itultuloy ti Bombo Radyo Philippines ti panangitag-ay iti dedikasion, kinabalanse, ken responsable a panagwaragawag.
Ipaay ti Bombo Radyo Philippines dagitoy a pammadayaw kadagiti amin nga agdengdengngeg ken sumupsuportar iti network.
Bombo Radyo Philippines, The Number 1 Radio Network in the Country. Your Trusted Source of News and Information.
Basta Radyo… Bombo!
