LAOAG CITY – Indeklarar ni Botswana President Duma Boko ti public health emergency kalpasan a nagpalyar ti national medical supply chain ken maib-ibusen dagiti agas ken napapateg nga stock kadagiti ospital ken clinic.
Segun ken ni Boko, iwanwan dagiti militar ti emergency distribution drive ken dagiti umuna a trak ket pumanaw iti ciudad ti Gaborone a kabisera ti Botswana agturong kadagiti remote area.
Immunan a nagballaag ti health ministry a maib-ibusen dagiti supply dagiti agas ken dadduma pay a kagamitan gapu iti saan a masinunuo a financial challenges, a nangitunda met ti pannakasuspenso amin a non-urgent surgery.
Inaprubaran ti finance ministry ti $17.35 million iti emergency funding tapno paggatang kadagiti agas.
Maipalagip a pinuted ti administrasyon ni U.S. President Donald Trump ti suporta ti Amerika iti health sector ti Botswana.
