LAOAG CITY – Awan ti pabpaboran ti Business Permit and Licensing Office (BPLO) kadagiti street vendor ditoy ciudad ti Laoag kangrunaan na iti paset ti Bonifacio St.
Daytoy ti inbatad ni Mrs. Chona Gantala iti BPLO ditoy ciudad.
Inpasingked ni Gantala nga agpapada ti trato da kadagiti street vendors ditoy ciudad.
Innayon na a no adda dagiti makita da a madi ti nagpwestoan na ket sitaen da dagitoy.
Nupay kasta, inadmitir na a saan da a mabanbantayan a kanayon dagitoy kangrunaan na no aldaw ti sabado ken domingo.
