LAOAG CITY – Inlawlawag ni Atty. Charito Malicad, Officer In Charge iti Business Permit and Licensing Office ditoy siudad ti Laoag nga adda dagiti sayangguseng a maipagarup nga adda ti agbalbalin a liaison officer nga empleado iti Laoag City Hall.
Segun kenkuana, adda ti maipadpadanon iti opisinana nga impormasion ngem awan ti pannakaaktual ken ebidensiana dagitoy.
Inbatadna a sakbay pay a nagipaulog ni Mayor James Bryan Alcid ti memorandum a maipawil ti agbalin kas liaison officer wenno para ilakad kadagiti dokumento kas business permit dagiti establishimento ket immunan a nangiyisyu daytoy ti memorandum no sadinno a nakailanad ditoy a maipawil ti agbalin a liaison officer.
Kunana a ti nasao a memorandum ket ammo dagiti empleado ken ti panagaramidna daytoy a memorandum iti opisinada ket saan a personal a desision no diket maysa a pammilin a kasapulan a suroten.
Inpaganetgetna nga isuda ket agpapaay iti babaen ti gobierno no sadinno a saanda a trabaho ti agilakad ti dokumento dagiti personal nga interes.
Innayonna a masapul a mailawlawag a naimbag ken naiget a maipatungpal daytoy a memorandum.
Maipalagip nga inpakaammo ni Ms. Felicar Ancheta, mangidadaulo ti Human Resource Management Office iti lokal a gobierno ditoy siudad ti Laoag a no adda dagiti agar-aramid ti nasao a banag ket sumango iti panaglabsing iti reasonable office rules wenno insubordination gapu iti saanda a panangsurot iti nadakamat a memorandum.
