LAOAG CITY – Inpasigurado ni Ms. Eva Marie Dumlao, Licensing Officer III iti Business Permit and Licensing Office ditoy ciudad ti Laoag a maiplastar a naimbag dagiti peddlers nga aglaklako iti likod ti Ablan Avenue ken Castro Avenue ditoy ciudad.
Daytoy ket tapno saan a maatiwan dagiti aglaklako nga adda ti permitna nga asideg kadagiti nadakamat a lugar.
Basar kenkuana, addan iti immuna a pannakisaritana iti presidente dagiti peddlers tapno makita a nasayaat ti panagplastar dagitoy.
Kabayatanna, kuna ni Dumlao nga addan to laeng maikeddeng nga oras a panaglako dagiti peddlers tapno tapno maliklikan dagiti possible a tumaod a problema.
