LAOAG CITY – Makumikom ti Business Permit and Licensing Office gapu iti panangrugi iti pannaka-renew dagiti business permit dagiti umili ditoy siudad ti Laoag.
Segun ken ni Atty. Charito Malicad, Officer in Charge ti nasao a pangopisinaan nga uray online registration-en ti masapul tapno mai-renew dagiti bussiness permit-da ket kasapulan latta ti panangasistirda kadagitoy nangruna kadagiti saanna pay a masurutan nga usaren ti link, computer, cellphone ken dadduma pay.
Inbatadna nga adu dagiti saludsod a kasapulanda a sungbatan tapno naan-anay a makaala ti bussiness permit dagiti maseknan.
Kunana nga adda ti agbalbalin a problemada iti sistema iti Department of Information and Communications Technology gapu ta dagiti dadduma ket saan a makapan iti sumaruno a proseso iti panag-renew a nangitunda ti pannakaibayag dagiti dadduma ngem nasolbarda met nga insigida tapno saan a masayang ti orasda.
Kabayatanna, namnamaen ni Malicad ti sumurok-kumurang innem a ribu a bilang dagiti makapag-renew agingga inton agngudo ita a bulan ti Enero.
