LAOAG CITY – Plano ti Business Permit and Liscensing Office ditoy ciudad ti Laoag nga idadauluan ni Ms. Antonnette Bareng nga iregulate ti pannaka-ited ti peddlers permit kadagiti ambulant vendors ditoy ciudad.
Segun ken Bareng ket umad-ado dagiti ambulant vendors ditoy ciudad ken saan met nga insigida a mabalin nga isardeng da daytoy sipod ta kaadduan kadakuada ket makan ti ilaklako da ken masapol pay a dumalan da iti biang ti City Health Office tapno mangala ti health certificate ken masigurado a natalged a maipauneg dagiti lako da.
Mainaig iti daytoy ket manamnama a mangidasar da kadagiti plano sipod ta ado unayen dagiti nadakamat nga aglaklako.
Kuna ni Bareng a no mabalblain pay ket maisardengen ti panagited ti permit sipod ta malaksid kadagiti ambulant vendor, ket naruay pay dagiti nagala ti permit nga aglaklako iti sango ti balblay da nga isuda met ti ikikkan da ti special permit.
Iti agdama ket addan ti 105 a bilang dagiti na-isyuan ti pedlers permit ditoy ciudad ti Laoag.
