LAOAG CITY – Nasdaaw ni Sang Panlungsod member Jason Perera no apay a saan a naipakaammo iti Business Permit and Licensing Office (BPLO) ti CCTV ordinance ditoy ciudad ti Laoag.
Naduktalan na daytoy kabayatan ti papan panagobserbar ni Perera iti panagirenew ti business permit iti mismo a Laoag City Hall ditoy ciudad.
Maipalagip a maysa kadagiti kasapulan iti panagirenew ti business permit ket ti panagimuntal ti CCTV camera ti maysa a pasdek negosyo.
Nupay kasta, saan nga inraman ti BPLO ti CCTV camera a requirement dagiti napan nagirenew ti business permit na.
Inbatad na nga iti panagsaludsud na ket insungbat kenkuana ti BPLO a saan a naipakaammo kadakuada ti nasao nga ordinansa.
Kabayatanna, inkalintegan ni Mrs. Antonette Bareng, ti mangidadaulo iti BPLO ditoy ciudad nga awan ti naiforward iti opisina da a kopya ti CCTV ordinance.
