LAOAG CITY – Temporaryo a sinuspenso ti Brazil ti panagusar iti kaunaan a single-dose dengue vaccine iti lubong kalpasan ti pannakatay ti dua nga indibidual.
Basar iti report, nasurok a 500 a ribo a tattao ti nabakunaan ti dengue vaccine iti nasao a pagilian ita a tawen.
Naamoan a ti nasao a bakuna ket inaramid ti Brazil ken inaprubaran dagiti health authorities idi Nobyembre iti napalabas a tawen.
Manipod iti 501,044 a tattao a nabakunaan iti nagbaetan ti Enero agingga iti Mayo ita a tawen, ket 3,703 wenno 0.7 percent ti nakakitaan ti sintomas a kapada ti dengue.
Adda met ti 42 a tattao ti nagpasar ti “severe reactions,” idinto a tallo ti severe cases a pakairamanan ditoyen ti dua a pimmusay,a dagitoy ket agtawen ti 58 a lalaki ken agtawen ti 48 a babbai.
