LAOAG CITY – Boluntaryo a napan insuko ti maysa a kapitan ti paltog na iti Philippine National Police (PNP) idiay Bacarra, Ilocos Norte.
Daytoy ket ni Barangay Chairman Aldrin Suguitan, agtawen ti 47, naasawaan ken residente ti Barangay Nambaran ti nasao nga ili.
Segun ken ni Police Chief Inspector Neri Layug, chief of police iti ili a Bacarra, nabayagen nga al-allukuyen da ti kapitan a mapan mangideposito ti paltog na a maysa a kalibre 45.
Naamoan a ti nasao a paltog ket nag-expired ti lisensya na idi Hulyo 20, 2016 ken inted daytoy ti lokal a gobierno iti ili a Bacarra.
