LAOAG CITY – Inlawlawag ni Barangay Chairman Edwardson Santos iti Barangay 13 ditoy ciudad ti Laoag ti naidanun a reklamo ditoy Bombo Radyo Laoag.
Daytoy ket mainaig iti maipagarop nga adda ti sumagmamano a residente a napaayaban a mapan koma umawat ti relief goods ngem saan da met a naikkan.
Iti interview ti Bombo Radyo Laoag ken ni Santos, inbaga na nga idi nakita dagiti barangay kagawad ti listaan ket napan dan inayaban dagiti adda iti sektor da nga adda ti nagan na nga umawat ti relief goods.
Nupay kasta, iti kopya dagiti Barangay Health Workers (BHW) ken empleado ti Laoag City Hall a napan nagibunong ket adda dagiti sumagmamano a residente a na naikkan ti (*) ti nagan da.
Inbaga ti kapitan a dagiti naikkan ti (*) nagan na ket kwestyunable isut gapuna a saanda a naikka ti relief goods.
Segun kenkuana, dagiti dadduma a naikkan ti (*) ti nagan na ket botante da iti barangay da ngem agnanaed da iti sabali a barangay isut gapuna a masapol a maivalidate a naimbag no awan pay pulos ti naawat da a tulong iti pagnanaedan dan.
Kabayatanna, inlawlawag ni Barangay Health Worker Marilyn a naipakaammo kadagiti naikkan ti (*) ti nagan na a saan da pay laeng a mapmapan ngem napan da latta.
