LAOAG CITY – Nanayonan ti buffer stock wenno nakareserba a suplay ti langis ti pagilian basar iti Malacañang.
Inbatad ni Palace Press Officer ken Presidential Communications Office Usec. Atty. Claire Castro a basar iti report ti Department of Energy (DOE), umaboten iti 54 nga aldaw manipud iti dati a 52 nga aldaw ti suplay ti langis ti pagilian.
Inlawlawagna a natalantan daytoy iti naisayangkat nga Uplift Committee meeting iti Malacañang ita nga aldaw no sadinno a napagsaritaan met ti nalawa a rollback iti presio ti diesel.
Kabayatanna, inpakaammo ni Department of Agriculture Sec. Francisco Tiu Laurel Jr. ken ni Presidente Ferdinand Marcos Jr. nga umdas ti suplay ti bagas, manok ken baboy iti pagilian agingga iti katapusan ti tawen.
