LAOAG CITY – Makitintinulong metten iti Los Angeles ti maysa a grupo dagiti bumbero manipud iti pagilyan a Mexico tapno al-alisto a masebseban ti dumakdakkel nga apoy idiay Los Angeles , California.
Mangnamnama met ti Estados Unidos nga adda pay sumagmamano a pagilyan a tumulong gapu ta maobserbaran da a nabannogen dagiti bumbero iti nasurok makalawas a panagkayamkam ti apoy.
Immunan a nangiparuk-at ti US military ti nasaurok 16,000 a gallon ti fire supressants iti wildfire.
Segun ken ni Pentagon spokesperson Maj. General Pat Ryder nga iti babaen ti walo a C-130 a military plane a kinargaan da ti modular airborne fire fighting system ti MAFFS ket ditoy nga intinnagda dagiti nasao a fire suppressant.
Malaksid irti daytoy ket adda pay nasurok 1,800 a California National Guardsmen ti activated tapno tumulong iti panagresponde.
