LAOAG CITY – Gagem ni two-time Olympic gold medalist Carlos Yulo a maiwaras dagiti ammo na kadagiti ubbing a gymnasts nga agkalikagom a sumaruno iti tugotna.
Maaramid daytoy ni Yulo babaen ti panangipatakder na ti bukodna a gym iti nagduduma a paset ti pagilian nga agserbi a pagtaengan dagiti manamnama a world-class athletes.
Adayon ti nadanun ni Yulo kalpasan a nagun-od na ti dua a balitok a medalya iti Olympic Games iti Paris, France idi 2024.
Nakagun-od pay ti sumagmamano a balitok a medalya kadagiti World Championships, Asian Championships ken Southeast Asian Games.
Gapu iti daytoy, ado dagiti mangdaydayaw ken ni Yulo nga agserserbi nga inspirasyon partikular kadagiti agtutubo nga atleta.
Inbatad ni Yulo a saan a tungpal biag ti panagbalin nga atleta isut gapu na nga iti kanito a malpas ti karera na ket kayatna ti agbalin a coach tapno maiburay na met dagiti ammo na kadagiti ubbing a gymnasts.
