LAOAG CITY – Agarup 214 a benipisiaryo ditoy suidad ti Laoag ti immawat ti sweldona iti panangdalusda iti Bengang Creek kas paset ti programa a cash for work.
Segun iti lokal a gobierno ditoy siudad napintas daytoy a programa gapu ta malaksid nga adda ti maipaay a trabahoda, nakapagserbida pay iti bukod da a komunidad
Mainaig iti daytoy, ti nasao a cash-for-work program ket insayangkat ti lokal a gobierno babaen iti panagbinnuligna kadagiti opisyales kadagiti barangay a madalanan dagiti estero.
Gagem ti programa ti pannakikammayet dagiti bumarangay a masakupan dagiti estero, ken tapno maikkan iti oportunidad dagiti low-income nga indibidwal a maaddaan iti nayon a pagsapulan.
Malaksid iti daytoy, dakkel ti epekto ti panangtagiben iti Bengang Creek tapno malappedan ti nakaro a panaglayos no adda bagyo ditoy siudad.
Kabaytanna, naamoan a dagiti benipisiaryo ket immawat iti tig-P3,500.00 iti maysa para iti lima nga aldaw a panagtrabahoda.
