LAOAG CITY – Naisayangkat ti cash for work program iti Brgy. 7-A Nuestra Senora de Natividad ditoy siudad ti Laoag.
Segun iti lokal a gobierno ditoy siudad, na-inspeksionen Bengang Creek manipud iti Brgy. 21 agingga iti Brgy. 20.
Mainaig iti daytoy, ti nasao a cash-for-work program ket insayangkat ti gobierno lokal babaen iti panagbinnulig dagiti opisyales dagiti barangay a madalanan dagiti estero.
Gagem ti nasao a programa ti pannakikammayet dagiti bumarangay a masakupan dagiti estero, ken tapno maikkan ti oportunidad dagiti low-income nga indibidwal a maaddaan iti nayon a pagsapulan.
Inayonna a dakkel ti epekto ti panangtagiben iti Bengang Creek tapno malappedan ti nakaro a panaglayos no adda bagyo ditoy siudad.
Kabayatanna, dinakamat pay ti lokal a gobierno a dakdakkel a tulong ti nasao a programa saan laeng a para iti programa ken proyekto iti barangay ngem kangrunaanna kadagiti maseknan a benepisiario.
