LAOAG CITY – Dinayyeg ti magnitude 6.6 a gingined kadagiti sumagmamano a lugar iti Bicol ken Visayas.
Narikna ti sentro na iti kaadayo a lima a kilometro, abagatan a laud iti Cataingan,Masbate ken tectonic ti origin na.
Basar iti Philvocs, ti kauneg ti gingined ket maysa a kilometro.
Narikna met ti Intensity IV idiay Mapanas, Northern Samar; City of Legazpi, Albay; Lezo, Aklan, Intensity III ti City of Iloilo ken Intensity I iti President Roxas, Capiz
Dagiti met Instrumental Intensities ket:
Intensity V – Masbate City, Masbate
Intensity IV – Palo, Leyte; City of Iloilo; City of Roxas, Capiz; Naval, Biliran;
Intensity III – City of Bago, Negros Occidental; Malinao, Aklan; Jamindan, Capiz; Ormoc City
Intensity II – Gumaca, Quezon; City of Sipalay, Negros Occidental; Valderrama, Antique; Sipocot, Camarines Sur; Talibon, Bohol; San Francisco, Cebu
Intensity I – Malay, Aklan; City of Gingoog, Misamis Oriental
Basar pay iti PHIVOLCS, awan ti manamnama a TSUNAMI WARNING gapo ta iti daga a timmama.
Nu pay kasta, maysa a retirado a pulis ti naimaldit a pimmusay kalpasan a natupakan iti debris manipod iti narebba a pagtaengan na.
Iti agdama ket agtultuloy ti retrieval operations ti Cataingan Municipal Police Station ken ti LGU Cataingan kadagit dadduma a pasdek a narebba.
