LAOAG CITY – Nakasaganan iti City Disaster Risk Reduction and Management Office (CDRRMO) ditoy siudad ti Laoag para iti panawen ti panagtutudo.
Segun ken ni Dr. Melvin Manuel, mangidaulo ti CDRRMO a naiget ti pannakikoordinarda kadagiti nagduduma nga ahensia kas kuma iti Philippine Atmospheric, Geophysical and Astronomical Services Administration (PAG-ASA) iti panagsagana ita a panagtutudo.
Kunana a kompleto dagiti ramitdan para iti panag-rescue iti aniaman nga emerhensia pakairamananen dagiti alisto a pannakasagana dagiti chainsaw, water assets, outbourd motor, ken nagduduma pay.
Innayonna nga awan met iti problema kadagiti emergency alarms iti nagduduma a paset ditoy siudad ti Laoag ket nakasagana pay dagiti personnel, nation agencies a pakairamanan dagiti department heads a tumulong.
