LAOAG CITY – Inbatad ni Doctor Melvin Manuel, ti mangidadaulo iti City Disaster Risk Deduction and Management Council (CDRRMC) a naiget ti panagmonitor da kangrunaan na dagiti coastal areas ditoy ciudad ti Laoag gapu iti panagtudtudo na.
Inlawlawag na a sipud idi Agosto 1 agingga ti Agosto 9 ket addan ti nairekord a 138 mililiter a tudo ngem ti kasapulan ket nasurok a 500 mililiter tapno lumukneng ti daga ditoy ciudad.
Segun kenkuana, narigat a lumukneng ti daga gapu iti nakaro a tikag a napasaran itay kallabes.
Innayon na a maibilang a normal pay laeng ti lebel ti danom kadagiti coastal areas ditoy ciudad.
Nupay kasta, binalakadan na dagiti residente a saanda pay laeng a mapan agkalap gapu ta adda ti panagdawel dagiti dalluyon.
