LAOAG CITY – Dinayaw ti tennis standout a ni Cecil Mamiit ti agtultuloy a panagngato ti karera ti ubing a tennis star a ni Alex Eala kagiddan ti naisangsangayan a performance iti international circuit pakairamanan ti breakout run iti 2025 Miami Open.
Inbatad ni Mamiit, ti agtawen ti 20 a ni Eala ket mangipakpakita ti dakkel a potensial ken maturity iti ay-ayamna aglalo ti kabaelanna daytoy a bumangon ken agtalinaed a natibker iti court.
Dinakamatna a dakkel a tulong ti suporta ti pamilia ken ti training environment ni Eala pakairamanan ti development iti Rafa Nadal Academy a makatulong iti agtultuloy a panag-improve ti ay-ayamna.
Inawaganna pay ni Eala kas maysa kadagiti posible a “future face” ti Philippine tennis ken inladawanna pay iti maysa a “female Manny Pacquiao” gapu iti global impact ti career-na.
