LAOAG CITY – Agtultuloy ti panangisayangkat ti City Environment and Natural Resources ditoy ciudad ti Laoag kadagiti nagduduma nga aktibidad ken programa para iti panangtagiben iti aglawlaw.
Segun ken ni Ms. Mylene Pascual, ti mangidadaulo iti City Environment and Natural Resources ditoy ciudad, ti maysa nga ipatungpal da ita a tawen ket ti skills training iti nagduduma a barangay maipanggep iti panag-recycle kadagiti basura.
Innayon na a babaen iti daytoy ket masursurwan a naimbag dagiti residente ditoy ciudad nga agaramid iti nagduduma a banag babaen laeng kadagiti basura.
Immuna iti daytoy, inpasigurado ni Pascual a naiget a maipatpatungpal ti “No Segregation, No Collection Policy” ditoy siudad ti Laoag.
