LAOAG CITY –Impakaamo ni Ms. Mylene Pascual, ti mangidaulo ti City Environment and Natural Resources Office (CENRO) a naiget ti panangipatungpalda ti panngsurot dagiti umili ti umno a pannakaibelleng ti basura iti urban ken rural barangay ditoy siudad ti Laoag.
Kunana a naisuro kadagiti umili ti panag-segregate, schedule ti panagala ti basura, ti waste ti cash program, ken nagduduma pay nga inisiatibo ti panangtagiben ti aglawlaw iti siudad.
Inbatad da a napateg ti panangipaganetnet kadagiti umili ti nasayaat a panagsanay maipapan kadagiti basura gapu ta daytoy ti maysa kadagiti agdama a problema ti siudad.
Mainaig iti daytoy, kunana a daytoy pay ti maysa kadagiti rason ti nakaro a layos iti centro gapu kadagiti naisalat a basura iti kanal.
Innayonna a ti kasapulan a naan-anay a panangipaadal kadagiti umili ti umno a disiplina tapno maliklikan dagiti kakastoy a problem ken saan a mangitunda ti nakaro nga epekto iti siudad.
