LAOAG CITY – Napadayawan ni Police Major Tolentino Erum, Chief of Police iti Bacarra Municipal Police Station iti Medalya ng Kadakilaan ti Regional Office 1 .
Mainaig iti daytoy iti panagkompiskarda iti nadumaduma a paltog kas iti riffles ken pistols iti babaen ti naiwayat a search warrant operation-da iti maysa a pagtaengan iti nasao nga ili.
Segun ken ni Erum, saan daytoy ti umuna a daras a napadayawan isuna ti nasao a medalya gapu ta naruayen dagiti balligi nga operasion a naaramidna .
Kabayatanna, inallukoyna dagiti umili iti ili ti Bacarra a no adda dagiti saan a nakarehistro a paltogda wenno expired ti lisensiana ket i-surrender-da nga insigida iti station-da.
Maipalagip a balligi a naarestar ti maysa a mannalon iti barangay 35 iti ili ti Bacarra gapu kadagiti paltogna nga awan ti dokumentona ken saan a nakarehistro.
