LAOAG CITY – Natiliw dagiti otoridad ti dua a driver iti babaen ti naiyuswat nga Anti-Illegal Drug Buy-Bust Operation iti Brgy. Manalpac iti ili ti Solsona.
Ti maysa a suspek ket agtawen ti 35, naasawan ,driver, ken residente ti Brgy. Barcelona iti nasao nga ili, ken ti maysa ket agtawen ti 45, awanan asawa, driver, ken residente ti Brgy. Ababot iti ili ti Piddig.
Segun ken ni Police Captain Randy Damo Chief of Police ti Philippine National Police (PNP) Solsona sumurok kumurang a maysa a gramo ti kadagsen ti nakumpiskar a naglaon iti maatap a shabu, agbalor PhP6,800 a tallo a heat-sealed transparent plastic sachet, Php1,000 a nausar kas buy-bust money, ken nagduduma pay a ramitda.
Kabayatanna, nagtalinaed dagiti subject iti kuerpo ti Philippine National Police (PNP) iti siudad ti Solsona para iti pannakaipila ti kaso kontra kadagitoy.
