LAOAG CITY – Inbatad ni Philippine Coast Guard Spokesperson for the WPS, Rear Admiral Jay Tarriela, a desperadon ti China ken ti Chinese envoy iti panangiwaras ti saan nga umno nga impormasion mainaig iti West Philippine Sea.
Segun ken ni Tariela, agsasarunon ti araramiden ti Chinese Embassy iti Manila ti panangiparuk-at dagiti saan nga umno nga impormasion kas paset ti disinformation para iti kalikagumda a panangagaw iti pagin-innagawan a kabaybayan.
Sinublian ni Trariela ti maipagarup pammerdi da Chinese Ambassador to the Philippines Jing Quan ken Deputy Spokesperson of the Chinese Embassy Guo Wei kenkuana, kas maysa kadagiti kadakellan a lapped kadakuada iti West Philippine Sea.
Kabayatanna, kalpasan ti nagbalin a diskusion iti nagbaetan da Admiral Tariela ken Senador Robin Padilla mainaig iti kontrobersial a racist video nga inparuk-at ti Chinese media, inbatad ni Tariela a saanda pay a personal a nagsarita iti senador.
