LAOAG CITY – Impakaamo ni Dr. Rodrigo Catcatan, mangidadaulo iti City Health Office (CHO) nga adda ti maysa a pimmusay gapu iti leptospirosis ditoy suidad ti Laoag.
Ti biktima ket maysa a lalaki ken residente ti Barangay 14 Sto. Tomas ditoy siudad.
Kunana a saanda pay a naimbestigaran no kasano daytoy a napasamak ken kalukagumda ti agturong iti nasao a barangay tapno ammoen ken kitaen dagiti possible pay a rason.
Iti agdama adda iti tallo a kaso ti Leptospirosisa nairekord ti opisinada a pakairamanan dagiti biktima a residente ti Barangay La Paz, Barangay Nangalisan, ken Barangay Sto. Tomas.
Nupay kasta, maladingitan ni Catcatan ngem kunana nga agtultuloy ti panagballagda iti publiko no kasano a prebentaran ken ti panangsaluad iti bagi kontra iti leptospirosis.
