LAOAG CITY – Manarimaan ti panagsagsagana ti Civil Service Commission para iti umas-asidegen a Civil Service Examination inton Marso 3.
Segun ken ni Atty. Rex Ami, ti Provincial Director ti nasao nga ahensia ti gobierno, naiget ti panangiplastarda kadagiti kuarto a mausar iti eksaminasion kas iti Ilocos Norte High School ken Ilocos Norte College of Arts and Trade.
Inbatadna a manamnama nga umabot iti 1,910 ti mangala ti Civil Service Examination no sadino nga adda ti 1,650 examinees para iti professional examination idinto nga adda ti 260 examinees para met iti sub-professional examination.
Kunana a nasaysayaat nga isapsapa dagiti examinees a kitaen wenno biruken ti pagadalan ken room number a pageksamenanda tapno maliklikanda ti maladaw wenno panagal-alistoda.
