LAOAG CITY – Ibilang ni Sangguniang Bayan Member Butch De Lara ti Chairman ti Committee on Agriculture iti ili ti Solsona a pre-mature campaigning ti inaramid da Mayor Joseph De Lara ken Bise Mayor Jonathan De Lara a panangipan ti nagan da iti claim stab dagiti mannalon nga ag-avail ti abono.
Segun kenkuana, saan na nga ammu ti maipapan iti claim stab ken masdaaw laengen daytoy idi adda dimmanon a reklamo iti opisina na a maipagarup a dagiti laeng supporters ni ti Team De Lara ti makaawat ti abono.
Sakbay pay a rimsua ti isyu, inlawlawag ni SBM Butch De Lara nga idi marugyan ti panagibunong ti abono kadagiti mannalon, maysa-maysa ti agtawag ken agtext kenkuana tapno agsaludsod no kasano ti ag-avail ken sinungbatan na met a dagiti mismo mannalon.
Malaksid iti nagan ti agdama a Mayor ken Bise Mayor ket nakailista pay iti claim stab ti nagan dagiti ka-line-up da a lumaban para Konsehal.
Mainaig iti daytoy nagkiddaw ti Sangguniang Bayan iti ili ti Solsona nga imbitaran da dagiti maseknan iti session tapno agsungbat kadagiti saludsod.
Kabayatanna, naglikudan met daytoy ti Team De Lara, nangruna iti biang ti Bise Mayor ken inpetteng na a membership stab da laeng daytoy.
