LAOAG CITY – Nasken a pisikal nga agatendar dagiti Senador iti maisayangkat nga impeachment trial ni Vice President Sara Duterte tapno makabukel ti umno a desision.
Daytoy ti inrakurak ni House Committee on Higher and Technical Education Chair Jude Acidre kas reaksion kadagiti sayangguseng a posible a palubosan ti sumagmamano a Senador a makipaset iti panangusig iti babaen ti remote wenno online participation.
Inbatad ni Acidre a napateg ti pisikal a presensia gapu ta ditoy laeng a makita dagiti detalye a saan a kabaelan nga ipakita ti screen kas ti garaw ti testigo ken ti tension iti nagbaetan ti prosecution ken defense.
Inlawlawagna a nupay aw-awatenen ti virtual attendance kadagiti gagangay a panagdengngeg ti Kongreso manipud idi pandemia, agduma ti situasion iti maysa nga impeachment gapu ta saan a kas agpanpanday linteg no diket kas kas senator-judges ti papel dagiti Senador.
