LAOAG CITY – Immanugot ti Columbia University nga agbayad ti $200m iti administrasyon ni US President Donald Trump gapu iti akusasyon a napaay da a nangprotehir kadagiti Jewish students.
Naamoan a ti nasao a kantidad ket bayadan ti nasao a pagadalan iti federal government iti uneg ti tallo a tawen.
Kasukat iti daytoy ket immanugot met ti gobierno nga isubli ti $400m a federal grants a naikkat idi Marso ita a tawen.
Ti Columbia University ti kaunaan a pagadalan a pinuntirya ti administrasyon gapu iti maipagarop a pannakapaay na a nangalay-ay ti maipagarop nga anti-Semitism iti baet dagiti protesta iti intero a pagilian iti napalabas a tawen kontra iti gubat ti Israel iti Gaza.
