LAOAG CITY – Personal a simmarungkar ni Commission on Elections (Comelec) chairman George Erwin Garcia iti municipal hall ti Bamban, Tarlac.

Kadua ni Garcia ti sumagmamano a technical experts ti Commission on Elections tapno kitaenda dagiti voting records ni Suspended Mayor Alice Guo.

Personal a nangisayangkatda iti inspeksion ti voters registration ni Guo uray ti certificate of candidacy-na iti eleksion idi Mayo 2022 pakairamanan pay ti computerized voter’s list.

Ita nga aldaw, isubmitir ti Commission on Elections — Election Records and Statistics Department, a nangisayangkat iti panaganalisar kadagiti findings da iti Law Department ti ahensia tapno maammuanda no maitunos dagiti fingerprints ni Alice Guo ken ni Guo Hua Ping.

Inpetteng ni Garcia a criminal case daytoy no mapaneknekan a nagulbod ni Guo iti Cerfitificate od Candidacy-na.

Maipalagip nga idi laeng lunes ket nangipili ti Office of the Solicitor General (SOG) ti petition for quo warranto iti Manila Regional Trial Court tapno permanente a mapadisi ni Guo iti puestona kas mayor ti Bamban.

RELATED ARTICLESMORE FROM AUTHOR