LAOAG CITY – Dinawat ni Mrs. Jennifer Frances Gapuzan, Community Affairs Officer II ditoy ciudad ti Laoag iti panagtitinnulong tapno maiyimplementar a nasayaat iti road clearing operations.
Inbatad na a ti nasao nga addang ket pammilin a mismo ti Department of the Interior and Local Government, ken saan laeng koma a bukbukodan ti City Government ti mangkita dagitoy no di ket kasapulan nga agtitinulong iti tunggal maysa.
Inpakaammo na a 30 laeng a traffic enforcers ti katulungan da ken magudua pay dagitoy isut gapuna a masapol iti panagkikinammayet da.
Nupay kasta, kunana nga adda dagiti barangay officials a na-deputize a mangkita kadagitoy kangrunaan iti uneg iti barangay.
Innayon na a babaen ti tulong dagitoy ket makita iti pagsayaatan iti tunggal maysa kangrunaan na kadagitri pagparkingan tapno awan iti agbalin a problema.
