LAOAG CITY – Agtultuloy ti panangbirbiruk dagiti otoridad iti conductor ti Fariñas Bus kalpasan ti maipagarop a panangitaray na ti koleksyon da nga umabot iti 50 ribo a pisos.
Nabigbig daytoy a ni Joval Orpilla y Manzanillo, agtawen ti 43, naasawaan ken residente iti Brgy. Root, Dingras, Ilocos Norte.
Iti imbestigasyon, apaman a nakababa aminen dagiti pasahero ti bus iti Barangay 51-A, Nangalisan ditoy ciudad ti Laoag ket bimmaba metten ni Orpilla, simmaruno ni Inspector Pedro Baptista y Diego bitbit na ti folder nga ayan ti imbentaryo kadagiti pasahero.
Rumrumuar a kellaat lattan nga inagaw ni Orpilla ti folder kalpasan na ket nagtartarayen nga immadayo karaman ti koleksyon da nga umabot iti 50 ribo a pisos.
Ginandat ni Baptista a kamaten ni Orpilla ngem saannan a nasurutan ti nagturturungan na.
